ڈومیسٹک میں عمدہ پرفارم کرنیوالے اسپنرز کے فٹنس ٹیسٹ لینے کا فیصلہ

ملتان: ڈومیسٹک کرکٹ میں عمدہ پرفارم کرنے والے اسپنرزکے فٹنس ٹیسٹ لینے کا فیصلہ کیا گیا ہے۔

ذرائع کے مطابق فٹنس ٹیسٹ اگلے دو روز کے دوران نیشنل کرکٹ اکیڈمی لاہور میں ہوں گے اور فٹنس ٹیسٹ کے لیے مہران ممتاز سمیت 5 اسپنرز کو طلب کیا گیا ہے۔

ذرائع کا بتانا ہے کہ فٹنس ٹیسٹ پاس کرنے  پر ایک، دو اسپنرز کو دوسرے ملتان ٹیسٹ کے لیے طلب کیا جا سکتا ہے، اسپنرز نعمان علی اور زاہد محمود کو پہلے ٹیسٹ اسکواڈ سے ریلیز کیا جا چکا ہے۔

 نعمان علی اور زاہد محمود فٹنس ٹیسٹ کے دوران مطلوبہ معیار کو حاصل نہیں کرسکے تھے۔