خطرناک ڈین ٹو وائرس کی تشخیص، راولپنڈی میں ڈینگی ایمرجنسی نافذ کردی گئی

ڈپٹی کمشنر راولپنڈی نے ضلع بھر میں ڈینگی ایمرجنسی نافذ کردی۔

ڈپٹی کمشنر کے مطابق ڈینگی سے زیادہ متاثرہ علاقے چک جلال الدین، کوٹھہ کلاں اور پوٹھوہار ٹاؤن ہیں اور  ڈینگی ایمرجنسی کے تحت ہنگامی حفاظتی اقدامات اٹھائے جارہے ہیں۔

انہوں نے کہا کہ متاثرہ علاقوں میں ہنگامی بنیادوں پر انسداد ڈینگی مہم جاری ہے، ڈینگی کے خاتمے کیلئے موبائل ٹیمیں بھی تشکیل دی گئی ہیں۔

ڈپٹی کمشنر نے بتایاکہ راولپنڈی میں ڈینگی کے ڈین ٹو وائرس کی تشخیص ہوئی ہے اور ڈین ٹو ڈینگی کا وائرس زیادہ خطرناک ہے۔

انہوں نے کہا کہ محکمہ صحت سے ڈینگی کےخاتمے کیلئے ضروری اقدامات کی درخواست کی ہے۔

دوسری جانب گزشتہ 24 گھنٹوں کے دوران پنجاب میں ڈینگی کے 143 کیس میں سے 131 کیس راولپنڈی میں رپورٹ ہوئے۔