11 اکتوبر ، 2024 
پاکستان
جسٹس علی ضیا باجوہ نے کیس کی سماعت سے معذرت کرتے ہوئے کہا فائل دوسرے بینچ کے لیے چیف جسٹس کو بھجوا رہا ہوں۔ فوٹو فائل
جناح ہاؤس حملہ، لاہور ہائیکورٹ کے جج کی گلوکار عمر ملک کا کیس سننے سے معذرت
11 اکتوبر ، 2024
لاہور ہائیکورٹ کے جسٹس علی ضیا باجوہ نے جناح ہاؤس حملے میں گرفتار گلوکار عمر ملک کی درخواست پر سماعت سے معذرت کر لی۔
گلوکار عمر ملک کی بازیابی کے لیے دائر درخواست پر سماعت لاہور ہائیکورٹ کے جسٹس علی ضیا باجوہ کی عدالت میں ہوئی جس دوران عمر ملک کی جانب سے ایڈووکیٹ خدیجہ صدیقی عدالت میں پیش ہوئیں۔
گلوکار عمر ملک کو عدالت میں پیش کیا گیا، جس پر جسٹس علی ضیا نے پوچھا ملزم کو کس جرم میں گرفتار کیا ہے؟
تفتیشی افسر نے بتایا کہ ملزم کو 9 مئی جناح ہاؤس حملہ میں گرفتار کیا گیا، جس پر جسٹس علی ضیا باجوہ نے کیس کی سماعت سے معذرت کرتے ہوئے کہا کہ کیس دوسرے بینچ میں بھیجنے کیلئے فائل چیف جسٹس کو بھجوا رہا ہوں۔
مزید خبریں :
عمران خان نے بیرسٹر سیف کو اہم ٹاسک سونپ دیا
2 گھنٹے پہلے
کراچی میں کڑاکے کی سردی، شہری ٹھٹھر گئے
6 گھنٹے پہلے
