13 اکتوبر ، 2024 
کامن ویلتھ پاور لفٹنگ چیمپئن شپ میں پاکستان کے نوح بٹ نے چاروں گولڈ میڈل جیت لیے
13 اکتوبر ، 2024
پاکستان کے نوح دستگیر بٹ نے کامن ویلتھ پاور لفٹنگ چیمپئن شپ میں اپنی شاندار کارکردگی کو جاری رکھتے ہوئے کلاسک کے بعد ایکویپڈ کلاس میں بھی چیمپئن ہونے کا اعزاز حاصل کرلیا۔
نوح بٹ کی شاندار کارکردگی کا آغاز اسکواٹ کے مقابلے سے ہوا، جہاں انہوں نے 340 کلوگرام وزن اٹھا کر گولڈ میڈل اپنے نام کیا۔
اس کے بعد بینچ پریس میں بھی انہوں نے کمال دکھاتے ہوئے 210 کلوگرام وزن اٹھایا اور ایک اور طلائی تمغہ جیتا۔ ڈیڈ لفٹ میں بھی ان کی کارکردگی لاجواب رہی جہاں انہوں نے 300 کلوگرام وزن اٹھا کر ایک اور گولڈ میڈل حاصل کیا۔
مجموعی طور پر نوح بٹ نے 850 کلوگرام وزن اٹھا کر کامن ویلتھ چیمپئن شپ کا ایکویپڈ ٹائٹل اپنے نام کیا۔
اس سے قبل نوح بٹ نے کلاسک کلاس میں بھی شاندار کارکردگی کا مظاہرہ کرتے ہوئے تین گولڈ اور ایک برانز میڈل جیتا تھا ۔
مزید خبریں :
اظہر علی کو پی سی بی میں اہم عہدہ مل گیا
22 نومبر ، 2024
مجھے میڈیم پیسر کیوں بولا؟ بمراہ رپورٹر کے سوال پر برا مان گئے
21 نومبر ، 2024
