18 اکتوبر ، 2024 
اسرائیل نے یحییٰ سنوار کی شہادت سے قبل آخری لمحات کی ویڈیو جاری کردی
18 اکتوبر ، 2024
اسرائیلی فوج نے فلسطینی کی مزاحمتی تحریک حماس کے سربراہ یحییٰ سنوار کی شہادت سے قبل آخری لمحات کی ویڈیو جاری کر دی۔
اسرائیلی فوج کی جانب سے گزشتہ روز دعویٰ کیا گیا تھا کہ انہوں نے غزہ میں ایک عمارت کو نشانہ بنایا جس میں حماس کے سربراہ یحییٰ سنوار بھی موجود تھے۔
بعد ازاں اسرائیلی وزیر خارجہ کی جانب سے دعویٰ کیا گیا کہ رفح میں عمارت پر کیے جانے والے حملے میں حماس سربراہ یحییٰ السنوار کی ہلاکت کی تصدیق ہو گئی ہے۔
اسرائیلی وزیراعظم بنیامین نیتن یاہو نے بھی یحییٰ سنوار کی ہلاکت کی تصدیق کرتے ہوئے اسے غزہ میں جنگ بندی کے خاتمے کا آغاز قرار دیا تاہم حماس کی جانب سے اس حوالے سے باضابطہ طور پر کوئی بیان جاری نہیں کیا گیا ہے۔
اب امریکی نشریاتی ادارے سی این این کی جانب سے جاری بیان میں کہا گیا ہے کہ اسرائیل کی ڈیفنس فورس (آئی ڈی ایف) نے یحییٰ سنوار پر حملے کے وقت کی ایڈیٹڈ ویڈیو جاری کی ہے۔
آئی ڈی ایف کی جاری کردہ ویڈیو میں دیکھا جا سکتا ہے کہ ایک شخص تباہ حال عمارت میں زخمی حالت میں صوفے پر بیٹھا ہے اور ایک ڈرون کیمرہ اس کی جانب بڑھتا ہے، اسرائیلی میڈیا کے مطابق یہ یحییٰ سنوار ہیں جو ڈرون کیمرے کو دیکھ کر زخمی ہونے کے باوجود لکڑی کے ٹکرے سے ڈرون پر حملہ کرتے ہیں۔
مزید خبریں :
حزب اللہ کے راکٹ حملے میں اسرائیلی شہری ہلاک
5 گھنٹے پہلے
چچا کے تھپڑ مارنے پر 3 سالہ بھتیجی جان سے چلی گئی
6 گھنٹے پہلے
