26 اکتوبر ، 2024 
بھارت: ہاتھی نے سیلفی لینے کی کوشش کرنیوالے شخص کو کچل دیا
26 اکتوبر ، 2024
بھارت میں ہاتھی کے ساتھ سیلفی لینے کا جنون ایک اور نوجوان کی جان لے گیا۔
بھارتی میڈیا کے مطابق 23 سالہ شری کانت سترے اپنے دوستوں کے ساتھ گڈچرولی ضلع میں کیبل بچھانے کے کام کے سلسلے میں آیا تھا جسے ہاتھی نے روند دیا۔
میڈیا رپورٹس میں بتایا گیا ہے کہ 3 روز قبل منگل کو متنور کے جنگلاتی علاقے اباپور جنگل میں ہاتھی کے گھومنے کی اطلاعات سامنے آئی تھیں، جس پر شری کانت اور اس کے 2 دوستوں نے ہاتھی کو دیکھنے کا فیصلہ کیا۔
تینوں دوست جنگل میں موجود تھے کہ شری کانت نے ہاتھی کو دیکھا اور دور سے ہاتھی کے ساتھ سیلفی لینے کا فیصلہ کیا جو ہاتھی کو ایک آنکھ نہ بھایا اور اسے نے تیزی سے حملہ کرکے شری کانت کو کچل ڈالا۔
میڈیا رپورٹس میں مزید بتایا گیا کہ شری کانت کے دونوں دوست اپنی جان بچا کر بھاگنے میں کامیاب ہوگئے۔
مزید خبریں :
بھارت میں 48 گھنٹوں میں 8 ہاتھیوں کی موت معمہ بن گئی
4 گھنٹے پہلے
اسرائیلی شہر حیفا پر حزب اللہ کا راکٹ حملہ، 2 اسرائیلی ہلاک
31 اکتوبر ، 2024
لبنان سے شمالی اسرائیل پر ہونیوالے راکٹ حملے میں 5 افراد ہلاک
31 اکتوبر ، 2024
