26 اکتوبر ، 2024 
انسٹا پر 14 ملین فولورز رکھنے والی ایشوریا کس ایک شخصیت کو فولو کرتی ہیں؟
26 اکتوبر ، 2024
بالی وڈ سپر اسٹار ایشوریا رائے انسٹا گرام پر زیادہ ایکٹو نظر نہیں آتیں لیکن اس کے باوجود ان کے انسٹا پرفولورز کی تعداد 14 ملین سے زائد ہے۔
ایشوریا نے جب انسٹاگرام جوائن کیا تو چند ہی گھنٹوں میں ان کے فولورز کی تعداد لاکھوں ہوگئی تھی، آج بھی ایشوریا انسٹا پر روزانہ پوسٹ نہیں کرتیں لیکن وہ جب بھی کوئی پوسٹ اپ لوڈ کریں تو سیکنڈز میں وائرل ہوجاتی ہے۔
لیکن کیا آپ جانتے ہیں کہ ایشوریا انسٹاگرام پر خود صرف ایک ہی شخص کو فولو کرتی ہیں؟
ایشوریا رائے بچن کا انسٹاگرام
انسٹاگرام پر ایشوریا کے فولور زکی تعداد 14.3 ملین ہے لیکن اداکارہ انسٹاگرام پر خود صرف ایک ہی شخص کو فولو کرتی ہیں اور وہ شخصیت ان کے شوہر ابھیشیک بچن ہیں۔
بھارتی میڈیا کے مطابق ایشوریا اور ابھیشیک کے درمیان طلاق کی مسلسل افواہوں کے دوران دونوں شخصیات کا تاحال ایک دوسرے کو فولو کرنا بھی اس بات کا ثبوت ہوسکتا ہے فی الحال سب ٹھیک ہے۔
اداکار جوڑی ایشوریا اور ابھیشیک کے درمیان طلاق کی افواہیں ویسے تو 2سالوں سے چل رہی ہیں لیکن رواں برس ان افواہوں نے زور پکڑ لیا، اس کی بڑی وجہ دونوں میاں بیوی کو ایونٹس میں الگ الگ شرکت کرتے دیکھنا تھا۔
ایشوریا نے اب تک اپنی ازدواجی زندگی سے متعلق ہونے والی چہ مگوئیوں پر تبصرہ نہیں کیا ہے جب کہ ابھیشیک شادی کی انگوٹھی دکھا کر شادی شدہ ہونے دعویٰ کرچکے ہیں۔
مزید خبریں :
ودیا بالن مادھوری کیساتھ ڈانس کرتے ہوئے اسٹیج پر گرگئیں، ویڈیو وائرل
27 اکتوبر ، 2024
