28 اکتوبر ، 2024 
ہیڈ کوچ کے عہدے سے استعفیٰ دینے والے گیری کرسٹن کا پہلا بیان سامنے آگیا
28 اکتوبر ، 2024
اسلام آباد: پاکستان کرکٹ بورڈ سے اختلافات کے باعث قومی وائٹ بال ٹیم کے ہیڈ کوچ کے عہدے استعفیٰ دینے والے سابق جنوبی افریقی بیٹر گیری کرسٹن کا پہلا بیان سامنے آگیا۔
جیو نیوز سے گفتگو کرتے ہوئے سابق قومی ہیڈ کوچ پاکستان کرکٹ ٹیم گیری کرسٹن کا کہنا تھا پاکستان کرکٹ بورڈ کا بیان پڑھا ہے، مستعفیٰ ہونے پر آج ہی اپنا بیان جاری کروں گا۔
گیری کرسٹن کا کہنا تھا ہیڈ کوچ کے عہدے سے کیوں استعفیٰ دیا، اپنے بیان میں تمام وجوہات سامنے رکھوں گا۔
یاد رہے کہ گیری کرسٹن نے پاکستان کرکٹ بورڈ سے سلیکشن اور سپورٹ اسٹاف کے معاملات پر اختلافات کے باعث عہدے سے استعفیٰ دیا۔
اس کے علاوہ گیری کرسٹن اور پی سی بی کے درمیان بابر اعظم کو دورہ زمبابوے کے لیے آرام دینے کے معاملے پر بھی اختلافات تھے، گیری کرسٹن دورہ جنوبی افریقا سے قبل بابر اعظم کو کھلانے کے خواہشمند تھے اور گیری کرسٹن بغیر اختیارات کے کوچنگ نہیں کرنا چاہتے تھے۔
دوسری جانب پاکستان کرکٹ بورڈ نے گیری کرسٹن کا استعفیٰ قبول کرتے ہوئے ان کی جگہ قومی ریڈ بال ٹیم کے ہیڈ کوچ جیسن گلسپی کو ہی دورہ آسٹریلیا کے لیے ہیڈ کوچ مقرر کرنے کا فیصلہ کیا ہے، جیسن گلسپی دورہ آسٹریلیا کے لیے قومی ٹیم کے عبوری ہیڈ کوچ ہوں گے۔
مزید خبریں :
عاقب جاوید کو ہیڈ کوچ نہ بنانے کی وجہ سامنے آگئی
3 گھنٹے پہلے
لاہور میں ہونے والی پاک بھارت ایم ایم اے فائٹ ناگزیر وجوہات پر ملتوی
27 اکتوبر ، 2024
افغانستان اے نے ٹی ٹوئنٹی ایمرجنگ ایشیا کپ جیت لیا
27 اکتوبر ، 2024
