28 اکتوبر ، 2024 
پی آئی اے ملازم 16 موبائل فون جسم سے باندھ کر کینیڈا سے اسلام آباد لے آیا
28 اکتوبر ، 2024
کراچی: قومی ائیر لائن پی آئی اے کا ایک فضائی میزبان کینیڈا سے اسلام آباد کی پرواز میں 16 نئے موبائل فون جسم کے ساتھ باندھ کر لے آیا۔
جیو نیوز کے مطابق پی آئی اے کا ایک ملازم کینیڈا سے اسلام آباد کی پرواز میں 16 نئے موبائل فون جسم کے ساتھ باندھ کر لایا جسے اسلام آباد ائیرپورٹ پر کسٹمز کے عملے نے حراست میں لے لیا۔
ذرائع کے مطابق اس معاملے کو کئی دن سے خفیہ رکھا گیا تھا جسے قومی ائیر لائن کی جانب سے جاری ایک شوکاز میں ظاہر کیا گیا ہے۔
شوکاز نوٹس کے مطابق پی آئی اے کا فضائی میزبان 24 اکتوبر کو کینیڈا کے شہر ٹورنٹو سے پرواز پی کے 782 میں اسلام آباد پہنچا تھا۔
نوٹس میں بتایا گیا کہ ائیرپورٹ سے باہر جانے کے دوران کسٹم حکام کو فضائی میزبان پر شک ہوا جس پر کسٹم حکام نے اس کی تلاشی لی تو اس کے جسم کے ساتھ 16 جدید موبائل فون بندھے ہوئے پائے جنہیں بعد ازاں ضبط کرکے ملازم کو حراست میں لے لیا گیا۔
پی آئی اے حکام نے معاملہ ایک شوکاز میں اٹھاتے ہوئے ملازم کو 3 دن میں جواب دینے کی ہدایت کی شوکاز نوٹس کا جواب تسلی بخش نہ ہونے پر ملازم کو ملازمت سے برطرف کیا جا سکتا ہے۔
مزید خبریں :
گرمی میں جھلستے کراچی میں سردی کا آغاز کب سے ہوگا؟
6 گھنٹے پہلے
ملک گیر انسداد پولیو مہم کا آغاز آج سے ہوگا
7 گھنٹے پہلے
