29 اکتوبر ، 2024 
پاکستان
سندھ ہائیکورٹ میں 21 ہزار آئینی درخواستیں زیر التوا ہیں، ہائیکورٹ نے رٹ برانچ کو فائلوں کی کلاسیفکیشن کرنے کی ہدایت جاری کردی— فوٹو:فائل
26 ویں آئینی ترمیم، سندھ ہائیکورٹ میں آئینی بینچ کیلئے کیسز علیحدہ کرنے کا عمل شروع
29 اکتوبر ، 2024
سندھ ہائیکورٹ نے 26 ویں آئینی ترمیم کے بعد اہم اقدام کرتے ہوئے متوقع آئینی بینچ اور ریگولر بینچز کیلئے کیسز علیحدہ کرنے کا عمل شروع کردیا۔
ہائیکورٹ نے رٹ برانچ کو فائلوں کی کلاسیفکیشن کرنے کی ہدایت جاری کردی۔ اسسٹنٹ رجسٹرار کی جانب سے جاری ہدایت نامے میں کہا گیا ہے کہ سندھ ہائیکورٹ میں 21 ہزار آئینی درخواستیں زیر التوا ہیں، آئینی کیسز کی نشان دہی کرکے درست شیڈولنگ کی جائے۔
مراسلے میں تمام کارروائی مکمل کرکے رپورٹ جلد جمع کرانے کی ہدایت کی گئی ہے۔
آئینی درخواستوں کی کلاسیفکیشن کے عمل کے باعث متعلقہ برانچز میں پبلک ڈیلنگ کا وقت محدود رہے گا اور دوپہر 12بجے کے بعد وکلا،عوام اور سائلین کا برانچ میں داخلہ بند کرنے کے احکامات جاری کیے گیے ہیں۔
