31 اکتوبر ، 2024 
پاسپورٹ کے حصول کے خواہش مند شہریوں کیلئے بڑی شرط ختم کردی گئی
31 اکتوبر ، 2024
اسلام آباد: محکمہ پاسپورٹ کی جانب سے پاسپورٹ کے حصول کے خواہش مند شہریوں کے لیے بڑی شرط ختم کردی گئی ہے۔
محکمہ پاسپورٹ کی جانب سے شناختی کارڈ ایڈریس کی شرط ختم کردی گئی ہے جس کے بعد اب شہری پاکستان کے کسی بھی شہر میں موجود پاسپورٹ آفس سے پاسپورٹ بنواسکیں گے۔
پاسپورٹ رولز میں ترمیم کا مراسلہ علاقائی دفاترکو بھیج دیا گیا ہے۔
مراسلے کے مطابق نئی پالیسی کے تحت شہریوں کو حدود کے دائرہ اختیار میں نرمی دی جائے گی، پاکستان کا کوئی بھی شہری کسی بھی شہر سے پاسپورٹ کے لیے درخواست دے سکتا ہے۔
مراسلے میں کہا گیا ہےکہ ایڈریس کی بنیاد پر پاسپورٹ بنانےکی سہولت سے انکار نہیں کیا جائےگا۔
ڈی جی پاسپورٹ مصطفیٰ جمال قاضی کا کہنا ہے کہ یہ فیصلہ شہریوں کو درپیش مشکلات کے پیش نظر کیا گیا ہے، اب شہری کسی بھی شہر سے پاسپورٹ بنوانےکے اہل ہوں گے۔
مزید خبریں :
عمران خان نے بیرسٹر سیف کو اہم ٹاسک سونپ دیا
2 گھنٹے پہلے
کراچی میں کڑاکے کی سردی، شہری ٹھٹھر گئے
6 گھنٹے پہلے
