01 نومبر ، 2024 
جرائم
فوٹو: فائل
13 سالہ لڑکی سے اجتماعی زیادتی کے بعد ہلاکت کا کیس، ماں سمیت 6 ملزمان گرفتار
01 نومبر ، 2024
میرپورخاص میں مبینہ اجتماعی زیادتی کے بعد 13 سالہ لڑکی کی ہلاکت کے کیس میں مزید 4 ملزمان کو گرفتار کر لیا گیا۔
ترجمان پولیس کا کہنا ہے کہ ملزمان نے لڑکی سے زیادتی کا اعتراف کیا ہے، ملزمان اور سہولت کار سمیت گرفتار ملزمان کی تعداد 6 ہوگئی ہے۔
پولیس کے مطابق گرفتار ملزمان میں لڑکی کی ماں بھی شامل ہے، ماں نے پیسوں کیلئے بیٹی کو ملزمان کے حوالے کیا تھا۔
پولیس ترجمان کے مطابق واقعہ گاؤں فوجی رانگڑ میں پیش آیا تھا، متاثرہ لڑکی کو گزشتہ روز تشویشناک حالت میں سول اسپتال لایا گیا جہاں وہ دم توڑ گئی تھی۔
ترجمان پولیس کا کہنا ہے کہ ڈی ایس پی کی سربراہی میں ٹیم معاملے کی تحقیقات کر رہی ہے۔
مزید خبریں :
مظفر گڑھ: نرس سے زیادتی کی کوشش کرنیوالا مرکزی ملزم گرفتار
29 اکتوبر ، 2024
کراچی: ڈیفنس میں فلیٹ سے 4 روز پرانی لاش برآمد
29 اکتوبر ، 2024
