01 نومبر ، 2024 
وہ جانور جو زلزلے کا خطرہ وقت سے پہلے بھانپ لیتے ہیں
01 نومبر ، 2024
جب بھی کوئی قدرتی آفت آنے والی ہوتی ہے تو عموماً کچھ جانوروں میں بے چینی شروع ہوجاتی ہے وہ دوڑتے اور پریشان ہوتے نظر آتے ہیں۔
دنیا بھر میں بہت سے لوگوں نے قدرتی آفت سے قبل جانوروں میں بے چینی کی کیفیت کا مشاہدہ کیا ہے۔
آج ہم آپ کو چند ایسے جانوروں کا بتاتے ہیں جو زلزلہ آنے سے قبل اس کے خطرے کو بھانپ لیتے ہیں۔
کتا
کتے کے شمار پالتو جانوروں میں ہوتا ہے جسے بہت سارے لوگ اپنے گھر میں پالتو جانور کے طور پر رکھتے ہیں، کتے میں سونگھنے اور سننے کی بہت خلاص صلاحیت ہوتی ہے، اس لیے وہ ماحولیاتی تبدیلوں کو بھانپ لیتے ہیں۔
اسی طرح زلزلہ آنے سے قبل کتے یا تو بہت زور سے بھونکتے ہیں یا پھر مشتعل ہوجاتے ہیں جب کہ بہت سے کتے تو چیخنا بھی شروع کردیتے ہیں۔
بلی
کتے کی طرح بلیوں میں بھی محسوس کرنے کی زبردست صلاحیت ہوتی ہے، یہ ہلکی سی کپکپاہٹ یا گردش کو اپنے پنجوں سے محسوس کر لیتی ہیں۔
ہاتھی
ہاتھی ایک بھاری بھرکم جاندار ہے ویسے تو یہ انسان دوست بھی بن جاتا ہے لیکن مشتعل ہونے پر آئے تو یہ تباہی مچا دیتے ہیں۔
قدرت نے ہاتھی میں بھی آفت کو قبل از وقت جانچنے کی خاصیت رکھی ہے، ان میں ہلکی سی آواز کو بھی سننےکی صلاحیت موجود ہوتی ہے۔
پرندے
آسمان میں اڑنے والے پرندے بھی قدرتی آفت کو جان جاتے ہیں، یہ پرندے ہوا میں موجود دباؤ کی وجہ سے زلزلے یا کسی آفت کو محسوس کرلیتے ہیں۔
گائے
گائے کے حوالے سے بھی یہ بات کی جاتی ہے کہ حساسیت کی وجہ سے ان جاندار کو بھی قدرتی آفت کا پتا چل جاتا ہے۔
مزید خبریں :
ویڈیو: کراچی کے علاقے گارڈن میں بندر مکان کی چھت پر چڑھ گیا
20 نومبر ، 2024
دبئی میں چوبیس قیراط سونے کی الیکٹرک کار قرعہ اندازی کے لیے پیش
19 نومبر ، 2024
