Beginning of dialog window. Escape will cancel and close the window.
فیصل آباد میں دو رکنی پیزا ڈکیت گروہ سرگرم ہو گیا۔
پولیس کے مطابق رات گئے فون کال کے ذریعے معروف پیزا برانڈ پر چار پیزوں کا آرڈر دیا گیا اور ڈلیوری بوائے کو کہکشاں کالونی گلی نمبر 1 میں پیزے ڈلیور کرنے کا پتہ دیا گیا۔
پیزا ڈلیوری بوائے عثمان پیزا لے کر پہنچا تو موٹرسائیکل سوار دو افراد نے اسلحہ کے زور پر چاروں پیزے چھین لیے اور فرار ہو گئے۔
پولیس نے تھانہ صدر میں دو نامعلوم ڈاکوؤں کے خلاف پیزا ڈکیتی کے الزام میں مقدمہ درج کرلیا۔ خیال رہے کہ چند روز قبل بھی تھانہ صدر کے علاقہ سفیان ٹاؤن میں اسی طرح کی واردات میں دو ڈاکوؤں نے 1800 روپے مالیت کے 2 پیزے لوٹ لیے تھے۔