03 نومبر ، 2024 
استنبول میراتھون میں پاکستان کے امجد علی کی نمایاں پرفارمنس، تیز ترین پاکستانی رنز رہے
03 نومبر ، 2024
ترکیہ میں ہونیوالی استنبول میراتھون میں پاکستان کے امجد علی نے شاندار پرفارمنس کا مظاہرہ کیا اور وہ اس ایونٹ میں پاکستان کے تیز ترین رنر رہے۔
ترکیہ کے شہر استنبول میں منعقد ہونے والی گولڈ کیٹیگری کی استنبول میراتھون میں پاکستانی رنرز نے نمایاں کارکردگی کا مظاہرہ کیا۔ پاکستان کے امجد علی نے میراتھون کو 2 گھنٹے 49 منٹ اور 29 سیکنڈ میں مکمل کرتے ہوئے اسنتبول میراتھون کے تیز ترین پاکستانی رنر کا اعزاز حاصل کیا اور مجموعی طور پر 47 ویں پوزیشن پر رہے۔
ایتھوپیا کے دیجینا دیبیلا نے 2:11:40 کی ٹائمنگ کے ساتھ میراتھون میں پہلی پوزیشن حاصل کی۔
ہزاروں رنرز کی موجودگی میں پاکستان کے دیگر ایتھلیٹس نے بھی بہترین نمایاں کا مظاہرہ کیا۔ مزمل خان نیازی نے 3:13:45 اور بلال عمر نے 3:45:58 کی ٹائمنگ کے ساتھ میراتھون مکمل کی۔
پاکستانی رنرز علی خورشید، روحیل احمد، اسد تنگیکر اور محمد عدنان نے بھی چار گھنٹے سے کم وقت میں میراتھون مکمل کی۔
مزید خبریں :
اظہر علی کو پی سی بی میں اہم عہدہ مل گیا
11 گھنٹے پہلے
مجھے میڈیم پیسر کیوں بولا؟ بمراہ رپورٹر کے سوال پر برا مان گئے
21 نومبر ، 2024
