03 نومبر ، 2024 
شہباز اورمریم بہت اچھا کام کر رہے ہیں، پاکستان ٹریک پر واپس آرہا ہے: نواز شریف
03 نومبر ، 2024
پاکستان مسلم لیگ (ن) کے صدر و سابق وزیراعظم نواز شریف نے کہا ہے کہ وفاق میں شہبازشریف اور پنجاب میں مریم نواز بہت اچھا کام کررہے ہیں، پاکستان ٹریک پر واپس آرہا ہے۔
امریکا سے لندن واپس پہنچنے پر میڈیا سےگفتگو میں نواز شریف کا کہنا تھا کہ پنجاب حکومت کی جانب سے پی آئی اے خریداری پر غور کی جو بات کی اس پر مزید کام کا ارادہ ہے، ا گر ایسا ہو جائے تو ملک کو ایک اچھی ائیر لائن میسر آئے گی۔
انہوں نے کہاکہ شہبازشریف اور مریم نواز بہت اچھا کام کررہے ہیں، پاکستان ٹریک پر واپس آرہا ہے، معاشی اشاریے بہتر ہورہے ہیں اور مہنگائی کم ہورہی ہے۔
ان کا کہنا تھا کہ شہباز شریف دن رات محنت کررہے ہیں اوربہت بہتری آئی ہے، مریم نوازپنجاب میں اچھاکام کر رہی ہیں، مریم کو دن رات ایک فکر ہے کہ غریب آسانی سے زندگی گزار سکیں۔
