03 نومبر ، 2024 
مالی حالات سے تنگ ایوارڈ یافتہ معروف بھارتی ہدایتکار نے خودکشی کرلی
03 نومبر ، 2024
بھارت کی کنڑا فلم انڈسٹری کے معروف ہدایت کار گروپرساد نے مالی حالات سے تنگ آکر خودکشی کرلی۔
بھارتی میڈیا رپورٹس کے مطابق گرو پرساد بینگلورو میں کرائے کے اپارٹمنٹ میں اکیلے رہائش پذیر تھے، ہفتے کے روز پڑوسیوں نے فلیٹ سے بدبو آنے پر پولیس کو اطلاع دی۔
پولیس دروازہ توڑ کر گھر میں داخل ہوئی تو ہدایت کار کی لاش پنکھے سے لٹکی ملی جو پرانی ہوچکی تھی۔
پولیس رپورٹ کے مطابق ہدایت کار نے 4 روز قبل پنکھے سے لٹک کر خودکشی کی۔
بھارتی میڈیا کا کہنا ہے کہ اداکار کی دوسری اہلیہ نے پولیس کو بتایاکہ گرو پرساد مالی مشکلات کے باعث پریشان اور ڈپریشن کا شکار تھے، 25 اکتوبر کے بعد سے کوئی رابطہ نہیں ہو پا رہا تھا۔
دوسری جانب رپورٹس کے مطابق گرو پرساد قرض میں جکڑے ہوئے تھے اور ان پر قرض واپسی کیلئے دباؤ تھا، ان کے خلاف کئی مقدمات بھی عدالت میں زیر سماعت تھے۔
رواں سال مارچ میں ان کی ریلیز ہونے والی فلم باکس آفس پر فلاپ ہوگئی تھی جس کے باعث وہ مالی مشکلات کا شکار ہوگئے تھے۔
گروپرساد کئی مشہور فلموں کے ہدایتکار رہے اور اداکاری بھی کی، انہیں جاندار ہدایتکاری پر ریاستی اور فلمی ایوارڈز بھی دیے گئے۔
مزید خبریں :
شاہ رخ اپنی تینوں اولادوں میں کس کو زیادہ ترجیح دیتے ہیں؟
03 نومبر ، 2024
شاہ رخ خان کی اس گھڑی کی قیمت کتنی ہے؟
03 نومبر ، 2024
