04 نومبر ، 2024 
پاکستان کے 3 کھلاڑی ورلڈ اسنوکر چیمپئن شپ کے ناک آؤٹ مرحلے میں پہنچ گئے
04 نومبر ، 2024
انٹرنیشنل بلیئرڈ اسنوکر فیڈریشن (آئی بی ایس ایف) کے ورلڈ اسنوکر چیمپئن شپ مقابلوں میں پاکستان کے تین کھلاڑی ناک آوٹ راؤنڈ میں پہنچ گئے۔
ورلڈ اسنوکر چیمپئن شپ مقابلوں میں پاکستان کے اسجد اقبال براہ راست راؤنڈ آف 16 میں پہنچے جبکہ آصف اور اویس راؤنڈ آف 24 کھیلیں گے۔
محمد آصف جرمنی کے سائمن لچنبرگ سے ہار کر بھی اگلے راؤنڈ تک آگئے اور محمد آصف فریم ڈفرینس کی بنیاد پر اپنے گروپ میں دوسرے نمبر پر رہے۔
آخری میچ میں سائمن لچنبرگ نے آصف کو 3-4 سے شکست دی تھی، اسجد اقبال نے آخری گروپ میچ میں قطر کے خامس العبیدی کو 0-4 سے شکست دی۔
اسجد اقبال نے اپنے تینوں میچ جیت کر گروپ میں پہلی پوزیشن حاصل کی جبکہ اویس منیر نے بحرین کے حبیب صباح کو 1-4 سے شکست دے کر ناک آؤٹ راونڈ میں جگہ بنائی۔
پاکستان کے چوتھے کھلاڑی نسیم اختر دو میچز ہارنے کے بعد ناک آؤٹ راؤنڈ تک رسائی حاصل کرنے میں ناکام رہے ۔
مزید خبریں :
اظہر علی کو پی سی بی میں اہم عہدہ مل گیا
11 گھنٹے پہلے
مجھے میڈیم پیسر کیوں بولا؟ بمراہ رپورٹر کے سوال پر برا مان گئے
21 نومبر ، 2024
