04 نومبر ، 2024 
جرائم
مالکان نےاسے کام نہ کرنے کا الزام لگا کر ڈنڈوں سے تشدد کا نشانہ بنایا اور سر کے بال کاٹ دیے: ایف آئی آر/ فائل فوٹو
لاہور: 13 سالہ گھریلو ملازمہ پر ڈنڈوں سے تشدد، بال کاٹ دیے،گھر کا مالک اور اسکا دوست گرفتار
04 نومبر ، 2024
لاہور پولیس نے 13سالہ گھریلو ملازمہ پرمبینہ تشدد کے الزام میں گھر کے مالک اور اس کے ایک رشتے دار کو گرفتار کرلیا۔
لاہور کے تھانہ ڈیفنس سی پولیس نے 13سالہ ملازمہ کی خالہ خورشید بی بی کی مدعیت میں گھر کےمالک وقار، اس کی بیوی اقرا اور رشتے دار اسدکے خلاف مقدمہ درج کرلیا ۔
ایف آئی آر کے مطابق جڑانوالاضلع فیصل آباد کی رہائشی اقرا ایک سال سے وقار کے گھر میں ملازمہ تھی، مالکان نےاسے کام نہ کرنے کا الزام لگا کر ڈنڈوں سے تشدد کا نشانہ بنایا اور سر کے بال کاٹ دیے جب کہ تشدد کی وجہ سے اقراکے دونوں بازو بھی کام نہیں کررہے۔
ایس پی کینٹ نے کہا کہ لڑکی کا میڈیکل کرا کر وقار اور اسد کو گرفتارکر لیا جب کہ مالکن اقرا کی گرفتاری کیلئے چھاپے مارے جا رہے ہیں۔
مزید خبریں :
کراچی میں فائرنگ سے صحافی ندیم احمد زخمی
19 نومبر ، 2024
عارف والا میں بھائی نے غیرت کے نام پربہن کو قتل کردیا
19 نومبر ، 2024
