04 نومبر ، 2024 
پاکستان
کارروائیاں شمالی وزیرستان کے علاقے دوسالی اور جنوبی وزیرستان کے علاقے خرمنگ میں کی گئیں،فوٹو: فائل
خیبرپختونخوا میں سکیورٹی فورسز کی 2 کارروائیوں میں 6 خوارج ہلاک ہوگئے
04 نومبر ، 2024
خیبرپختونخوا میں سکیورٹی فورسز کی 2 الگ الگ کارروائیوں میں 6 خوارج ہلاک ہوگئے۔
آئی ایس پی آر کے مطابق سکیورٹی فورسز نے خیبرپختونخوا میں 2 الگ الگ کارروائیوں میں 6 خوارج کو ہلاک کردیا۔
کارروائیاں شمالی وزیرستان کے علاقے دوسالی اور جنوبی وزیرستان کے علاقے خرمنگ میں کی گئیں۔
آئی ایس پی آر کا کہنا ہےکہ خوارج پاکستان میں دراندازی کرنے کی کوشش کر رہے تھے، پاکستان عبوری افغان حکومت سے کہتا رہا ہے کہ وہ مؤثربارڈر منیجمنٹ یقینی بنائے۔ توقع ہے کہ عبوری افغان حکومت اپنی ذمہ داریاں پوری کرے گی۔
آئی ایس پی آر کا کہنا ہےکہ پاکستانی سکیورٹی فورسز سرحدوں کی حفاظت اور دہشت گردی کے خاتمے کے لیے پرعزم ہیں۔
