05 نومبر ، 2024 
آسٹریلیا میں پِچ پر باؤنس دیکھ کر پاکستانی ٹی 20 اسکواڈ کےکھلاڑیوں کی ماربل پر پریکٹس
05 نومبر ، 2024
آسٹریلیا کے خلاف پہلے ون ڈے میں پِچ پر فاسٹ بولرز کی رفتار اور باؤنس دیکھ کر پاکستانی ٹی ٹوئنٹی اسکواڈ کے کھلاڑیوں نے ماربل پر پریکٹس شروع کردی۔
پہلے ہی ون ڈے میں بیٹرز کو پریشان دیکھ کر ٹی ٹوئنٹی اسکواڈ کےکھلاڑیوں نےکمر کس لی ہے۔
کراچی میں جاری کیمپ میں ٹی ٹوئنٹی کے بیٹرز نے ماربل کی سلیب رکھ کر پریکٹس شروع کردی۔ عثمان خان، عمیر بن یوسف اور دیگر بیٹرز نیشنل اسٹیڈیم میں ماربل پر ٹریننگ کرتے نظر آئے۔
عثمان خان نے میڈیا سے گفتگو میں بتایا کہ پہلا ون ڈے دیکھنے کے بعد ماربل پر بیٹنگ کرنےکا منصوبہ بنایا، اس سے تیز پچز پر کھیلنے کی تکنیک بہتر ہوتی ہے، اس سے کٹ اور پل کی تیاری کے ساتھ ساتھ فٹ ورک بہتر ہوگا۔
عثمان خان کا کہنا تھا کہ آسٹریلیا کے خلاف ٹی ٹوئنٹی سیریز کے لیے تیاری اچھی جا رہی ہے، وہاں کی کنڈیشن مختلف ہوتی ہے، ابتدائی وکٹیں صرف پاکستان ہی کی نہیں آسٹریلیا کی بھی گر جاتی ہیں۔
ان کا کہنا تھا کہ چیمپئنز ٹرافی بہت دور ہے، اس کا نہیں سوچ رہا ابھی توجہ آسٹریلیا کے خلاف ٹی ٹوئنٹی سیریز پر ہے۔ پاکستان سے چوتھے نمبر پر بیٹنگ کرتا ہوں، کوئی بھی نمبر ملے کوشش رنز بنانے کی ہوتی ہے، ملتان سلطان میں محمد رضوان کے ساتھ کھیلتا ہوں، محمد رضوان کی تال میل سب کھلاڑیوں کے ساتھ رہتی ہے۔
مزید خبریں :
معروف میکسیکن ریسلر 66 برس کی عمر میں چل بسے
22 دسمبر ، 2024
فراڈ کیس میں سابق بھارتی کرکٹر کے وارنٹ گرفتاری جاری
22 دسمبر ، 2024
