05 نومبر ، 2024 
کراچی: گیراج میں کھڑی کار سے لڑکی کی لاش برآمد، حالت غیر میں ایک شخص بھی ملا
05 نومبر ، 2024
کراچی کے علاقے ڈیفنس میں کار سے لڑکی کی لاش اور ایک شخص بیہوشی کی حالت میں پایا گیا۔
پولیس کے مطابق ڈیفنس فیز ٹو میں واقع ایک گیراج میں کھڑی کار سے لڑکی لاش ملی جبکہ کار میں کاشف نامی شخص بھی بیہوشی کی حالت میں پایا گیا۔
پولیس کا بتانا ہے کہ متوفیہ کی شناخت جویریہ کے نام سے ہوئی جبکہ کاشف اس کا بہنوئی ہے۔
پولیس سرجن کے مطابق پوسٹ مارٹم میں موت کی وجہ سامنے نہیں آسکی ہے اس لیے موت کی وجہ جاننے کیلئے لاش کے نمونے حاصل کرلیے گئے ہیں۔
ایس پی کلفٹن ماجدہ پروین کے مطابق ابتدائی تفتیش میں پولیس کو کار سے کوئی نشہ آور چیز نہیں ملی، بظاہر یہی لگتا ہے کہ واقعہ بند کار میں کاربن مونوآکسائیڈ بھرنے کے باعث پیش آیا۔
ان کا کہنا تھا کہ پوسٹ مارٹم کے بعد لڑکی کی لاش ورثا کے حوالے کردی گئی ہے، لڑکی کے اہل خانہ نے قانونی کارروائی سے انکار کردیا ہے تاہم گیراج کو سیل کردیا ہے، واقعے کی مزید تحقیقات جاری ہیں۔
مزید خبریں :
چکوال میں فائرنگ سے خاتون اپنے بھائی اور بیٹے سمیت جاں بحق
02 نومبر ، 2024
اسلام آبادمیں سینیٹ کے میڈیا ڈائریکٹر اہل خانہ سمیت لُٹ گئے
02 نومبر ، 2024
