05 نومبر ، 2024 
مائیں شادی کے بعد بیٹوں کو لیکچر نہ دیں انہیں خود سیکھنے دیں: اسما عباس
05 نومبر ، 2024
سینئر اداکارہ اسما عباس نے ساسوں کو مشورہ دیا ہےکہ وہ نئی شادی کے بعد بیٹے اور بہو کو لیکچر دینے کے بجائے کچھ وقت دیں۔
سینئر اداکارہ اپنے سوشل میڈیا اکاؤنٹس پر ویڈیوز شیئر کرتی ہیں جہاں وہ مختلف موضوعات پر کبھی آگاہی تو کبھی مشورے دیتی نظر آتی ہیں۔
سوشل میڈیا پر اسما عباس کی ایک ویڈیو وائرل ہو رہی ہے جس میں وہ ساسوں سے مخاطب ہیں اور بہو کے سامنے بیٹے کو لیکچر دینے سے منع کرنے کا مشورہ دے رہی ہیں۔
ویڈیو میں اسما عباس نے کہا کہ بیوی کے سامنے ساس اپنے لڑکے کو نہیں سدھارے اور بیوی کو ڈیل کرنے پر بیٹوں کو لیکچر نہ دیں، لیکچر بازی نہیں کرنی چاہیے، لڑکوں کو خود سیکھنے دینا چاہیے، لڑکے پاگل تو نہیں ہیں ان میں عقل ہے، لڑکی دیکھ کر پاگل تو نہیں ہوں گے، ان کی آنکھوں پر پٹی تو نہیں بندھی۔
انہوں نے کہا کہ لڑکے دیکھتے ہیں، سوچتے اور سمجھتے ہیں، اگر مائیں پریشر کریں گی اور بیوی پر روک ٹوک کا کہیں گی تو اس طرح کی باتوں سے کام خراب ہوتے ہیں۔
سینئر اداکارہ کا کہنا تھا کہ بیٹے اور بہو کی نئی نئی شادی ہوتی ہے میاں بیوی کو وقت دینا چاہیے۔
