05 نومبر ، 2024 
وزیر دفاع پر اعتماد نہیں، اسرائیلی وزیر اعظم نے یواف گیلانٹ کو برطرف کردیا
05 نومبر ، 2024
اسرائیلی وزیر اعظم بن یامین نیتن یاہو نے دوران جنگ اسرائیلی وزیر دفاع یواف گیلانٹ کو برطرف کردیا۔
یواف گیلانٹ کی جگہ موجودہ اسرائیلی وزیر خارجہ اسرائیل کاٹز وزارت دفاع کا قلمدان سنبھالیں گے۔
اسرائیلی میڈیا کے مطابق وزیر اعظم کے دفتر سے جاری ہونے والے خط میں یواف گیلانٹ کو کہا گیا ہے کہ اس خط کے موصول ہونے کے 48 گھنٹے بعد وہ وزیر دفاع کے عہدے سے برطرف ہوجائیں گے۔
نیتن یاہو نے اپنے ویڈیو بیان میں کہا ہے کہ جنگ کے ابتدائی دنوں میں ہمارے درمیان اعتماد تھا لیکن گزشتہ کچھ مہینوں میں وہ اعتماد نہیں رہا۔
یواف گیلانٹ نے گزشتہ روز 7 ہزار قدامت پسند یہودیوں کو اسرائیلی فوج میں بھرتی کرنے کی منظوری دی تھی۔
اسرائیل کے انتہا پسند وزیر برائے قومی سلامتی بن گویر نے اس فیصلے کی حمایت کرتےہوئے کہا کہ یواف گیلانٹ ’جیت‘ میں ایک رکاوٹ تھے۔
دوسری جانب اسرائیلی اپوزیشن جماعتوں کی جانب سے کہا گیا ہے کہ نیتن یاہو سیاسی مفادات کے لیے قومی سلامتی کو داؤ پر لگارہے ہیں۔
مزید خبریں :
امریکی صدارتی انتخابات میں ووٹنگ کا عمل جاری
4 گھنٹے پہلے
