08 نومبر ، 2024 
سدھو موسے والا کے والدین نے اپنے چھوٹے بیٹے کا چہرا دکھا دیا
08 نومبر ، 2024
بھارت: پنجاب سے تعلق رکھنے والے معروف آنجہانی گلوکار سدھو موسے والا کے والدین نے اپنے چھوٹے بیٹے کا چہرا دکھا دیا۔
بھارتی میڈیا کے مطابق آنجہانی گلوکار سدھو موسے والا کے والدین نے اپنے چھوٹے بیٹے کا چہرا سوشل میڈیا پلیٹ فارم انسٹاگرام پر سدھو موسے والا کے اکاؤنٹ پر دکھایا۔
سدھو کے والدین کی جانب سے اپنے سب سے چھوٹے بیٹے کا نام شبھدیپ رکھا گیا ہے، تصویر میں بچے کو ہلکے گلابی رنگ کی پگڑی پہنے دیکھا جاسکتا ہے۔
میڈیا رپورٹس کے مطابق رواں سال مارچ میں سدھو موسے والا کے 60 سالہ والد بلکور سنگھ اور ان کی 58 سالہ اہلیہ چرن کور کے ہاں بیٹے کی پیدائش ہوئی تھی۔
واضح رہے کہ سدھو موسے والا کا اصل نام شبھدیپ سنگھ تھا جنہیں 29 مئی 2022 کو ضلع مانسا کے گاؤں جواہر میں نامعلوم حملہ آوروں نے فائرنگ کرکے قتل کر دیا تھا۔
اس واقعے میں سدھو کی گاڑی پر 30 گولیاں برسائی گئی تھیں جس کے نتیجے میں سدھو موسے والا موقع پر ہی ہلاک ہوگئے تھے جب کہ ان کی گاڑی میں موجود 2 افراد شدید زخمی ہوئے تھے۔
سدھو موسے والا نے اپنے گانے خود لکھے اور تیار کیے جب کہ انہیں پنجابی کے امیر ترین گلوکاروں میں شمار کیا جاتا تھا۔
مزید خبریں :
سابق بھارتی اداکارہ ثنا خان کے ہاں دوسرے بچے کی پیدائش متوقع
22 نومبر ، 2024
