10 نومبر ، 2024 
پاکستان
گوجرہ میں اسموگ کے باعث ٹریکٹر ٹرالی نے موٹرسائیکل کو ٹکر ماردی جس سے ماں اور دو بچوں سمیت 3 افراد جاں بحق ہوگئے__فوٹو: فائل
شدید دھند اور اسموگ کے باعث موٹر ویز بند، مختلف حادثات میں 5 افراد جاں بحق
10 نومبر ، 2024
شدید دھند اور اسموگ کی وجہ سے موٹروے ایم 2 لاہور سے کوٹ مومن تک بند کردی گئی۔
اس کے علاوہ لاہور سیالکوٹ موٹروے کو بھی بند کردیا گیا ہے جبکہ موٹروے ایم 4 فیصل آباد سے ملتان اور ایم 5 ملتان سے سکھر تک بند کردی گئی ہے۔
گوجرہ میں اسموگ کے باعث ٹریکٹر ٹرالی نے موٹرسائیکل کو ٹکر مار دی جس سے ماں اور دو بچوں سمیت 3 افراد جاں بحق ہوگئے۔
بھکر کے ایم ایم روڈ پربس سڑک کنارے کھڑے ٹریلر سے ٹکر اگئی۔
ریسکیو حکام کا کہنا ہے کہ حادثےمیں 2 مسافر جاں بحق اور 9 زخمی ہو گئے، زخمی افراد کو اسپتال منتقل کر دیا گیا ہے، متاثرہ بس ملتان سےراولپنڈی جا رہی تھی۔
