10 نومبر ، 2024 
دنیا
امریکی لیبارٹری سے فرار ہونے والے درجنوں بندر تاحال پکڑے نہ جاسکے
10 نومبر ، 2024
امریکی ریاست جنوبی کیرولینا کی لیبارٹری سے فرار ہونے والے درجنوں بندر تاحال پکڑے نہ جاسکے۔
حکام کے مطابق گزشتہ دنوں لیبارٹری سے ریسس میکاک نسل کی 43 مادہ بندریائیں فرار ہوئی تھیں جن میں سے فی الحال صرف ایک بندریا کو پکڑا جاسکا۔
حکام کا کہنا ہے کہ نگران نے غلطی سے پنجرا کھلا چھوڑ دیا تھا جس کی وجہ سے بندریائیں فرار ہوگئیں۔
بندروں کا پتا لگا کر علاقے میں جال بچھادیے گئے ہیں، اور بندروں کو کھانے کے بہانے پکڑنے کی کوششیں جاری ہیں۔
حکام کے مطابق جنگل میں جاری بارش کی وجہ سے انہیں پکڑنے میں مشکل پیش آرہی ہے۔ پولیس نے علاقے کے لوگوں کو بندروں کے پاس جانے سے منع کیا ہے۔
