12 نومبر ، 2024 
بلائنڈ ٹی ٹوئنٹی ورلڈکپ: بھارتی ٹیم کو تاحال پاکستان آنے کی منظوری نہ مل سکی
12 نومبر ، 2024
نئی دہلی: بھارتی بلائنڈ کرکٹ ٹیم کو بلائنڈ ٹی ٹوئنٹی ورلڈکپ میں شرکت کے لیے تاحال اپنی حکومت کی جانب سے اجازت ملنے کا انتظار ہے۔
جیو نیوز کے مطابق بھارتی بلائنڈ کرکٹ ٹیم نے پاکستان میں بلائنڈ ٹی ٹوئنٹی ورلڈکپ میں حصہ لینا ہے اور اس کے لیے ٹیم کو وزارت کھیل کی جانب سے این او سی مل چکا ہے مگر حکومت کی جانب سے تاحال منظوری نہیں مل سکی۔
وزارت کھیل سے این او سی ملنے کے باوجود بلائنڈ کرکٹ ٹیم کو وزارت داخلہ اور خارجہ سے تاحال کلیئرنس ملنے کا انتظار ہے۔
اس حوالے سے سیکرٹری انڈین بلائنڈ کرکٹ ایسوسی ایشن کا کہنا ہے کہ 2 ہفتوں سے حکومتی کلیئرنس کا انتظار کررہے ہیں، ہمیں حکومتی فیصلہ منظور ہوگا بس ہمیں وضاحت چاہیے۔
انہوں نے بتایا کہ 2014 میں باہمی سیریز کے لیے بھارتی ٹیم پاکستان گئی تھی جب کہ 2023 میں پاکستان نے بھارت میں ہونے والے ایونٹ میں شرکت نہیں کی۔
واضح رہے کہ بلائنڈ ٹی ٹونٹی ورلڈکپ 23 نومبر سے 3 دسمبر تک پاکستان میں شیڈولڈ ہے۔
مزید خبریں :
اظہر علی کو پی سی بی میں اہم عہدہ مل گیا
6 گھنٹے پہلے
مجھے میڈیم پیسر کیوں بولا؟ بمراہ رپورٹر کے سوال پر برا مان گئے
21 نومبر ، 2024
سابق ٹیسٹ کرکٹر نذیر جونیئر انتقال کرگئے
21 نومبر ، 2024
