12 نومبر ، 2024 
پاکستان
اچھی خبریں آرہی ہیں اور ملکی معیشت بہتر ہورہی ہے، مہنگائی کم ہو رہی ہے: وزیراعلیٰ پنجاب— فوٹو: اسکرین گریب
اسموگ کا مسئلہ برسوں پرانا ہے راتوں رات حل نہیں ہوگا: مریم نواز
12 نومبر ، 2024
وزیراعلیٰ پنجاب مریم نواز نے کہا ہے کہ اسموگ کا مسئلہ برسوں پرانا ہے راتوں رات حل نہیں ہوگا۔
جنیوا سے لندن پہنچنے پر مریم نواز نے والد کے ہمراہ میڈیا سے گفتگو کی۔ انہوں نے کہا کہ اچھی خبریں آرہی ہیں اور ملکی معیشت بہتر ہورہی ہے، مہنگائی کم ہو رہی ہے۔
ان کا کہنا تھاکہ میرے خیال میں پاکستان میں بہت پوٹینشل ہے، یہاں محنت کرنے والے مخلص لوگ چاہئیں، مجھے پوری امید ہے پاکستان مشکلات سے جلد نکلے گا۔
ایک سوال کے جواب میں مریم نواز کا کہنا تھاکہ اسموگ کا مسئلہ برسوں پرانا ہے راتوں رات حل نہیں ہوگا، ماضی میں اسموگ کے مسئلہ کو سنجیدہ نہیں لیا گیا۔
