15 نومبر ، 2024 
چیمپئنز ٹرافی شیڈول میں تاخیر پر آئی سی سی کمرشل پارٹنرز میں بھی بے چینی بڑھ گئی
15 نومبر ، 2024
انٹرنیشنل کرکٹ کونسل کے جانب سے آئی سی سی چیمپئنز ٹرافی 2025 کے شیڈول اور وینیوز کے حتمی اعلان میں تاخیر کے باعث کمرشل پارٹنرز میں بھی بےچینی بڑھ گئی۔
ذرائع کے مطابق آئی سی سی کے ملٹی نیشنل پارٹنرز اور ایونٹ سے جڑنے والے مقامی اسپانسرز اس تاخیر کی وجہ سے اپنی برانڈ ایکٹیویٹیز اور کمرشل پلانز ترتیب دینے میں مشکل کا شکار ہیں۔
آئی سی سی نے مختلف ملٹی نیشنل کمپنیوں کے ساتھ طویل مدتی کروڑوں ڈالرز کے معاہدے کر رکھے ہیں۔
تاہم شیڈول کے اعلان میں تاخیر سے ایونٹ کی برانڈ ویلیو پر اثر پڑ رہا ہے جس کی وجہ سے اسپانسرز اور کمرشل پارٹنرز کو مائیلج متاثر ہونے کا اندیشہ ہے۔
ذرائع نے مزید بتایا کہ پاکستان میں چیمپئنز ٹرافی کے لیے بعض مقامی اسپانسرز بھی ایونٹ کے مختلف سلاٹس کے لیے بات چیت کر رہے ہیں، لیکن تاخیر کی وجہ سے وہ اپنے معاہدے حتمی شکل نہیں دے پا رہے۔
کمرشل پارٹنرز کا ماننا ہے کہ آئی سی سی اگلے ہفتے کے آغاز تک چیمپئنز ٹرافی کا شیڈول جاری کرے تاکہ برانڈ ایکٹیویٹیز بروقت شروع کی جا سکیں۔
ذرائع کا کہنا ہے کہ اسپانسرز ایونٹ میں سرمایہ کاری کے بعد اپنے کمرشل منصوبے ترتیب دیتے ہیں اور موجودہ تاخیر ان کے منصوبوں کو متاثر کر رہی ہے۔
ذرائع نے یہ بھی انکشاف کیا ہے کہ آئی سی سی 21 نومبر تک چیمپئنز ٹرافی کے شیڈول اور وینیوز سے متعلق اہم اعلان کر سکتا ہے۔
خیال رہے کہ بھارت نے پاکستان میں ہونے والی چیمپئنز ٹرافی کے لیے اپنی کرکٹ ٹیم بھیجنے سے انکار کردیا ہے۔
ادھر پاکستان کرکٹ بورڈ چیمپئنز ٹرافی کے لیے ہائبرڈ ماڈل قبول نہ کرنے کے اپنے مؤقف پر سختی سے قائم ہے۔
مزید خبریں :
پاکستان اور جنوبی افریقا کا آخری ون ڈے بارش کی نذر ہونیکا امکان
22 دسمبر ، 2024
پاکستان کے ٹی 20 اسکواڈ کو بہتر بنانے کیلئے بڑا فیصلہ کرلیا گیا
22 دسمبر ، 2024
پاکستان کے ٹی 20 اسکواڈ کو بہتر بنانے کیلئے بڑا فیصلہ کرلیا گیا
22 دسمبر ، 2024
