16 نومبر ، 2024 
چیئرمین ای سی بی کا چیمپئنز ٹرافی کیلئے پی سی بی سے نیک خواہشات کا اظہار
16 نومبر ، 2024
چیئرمین پاکستان کرکٹ بورڈ (پی سی بی) محسن نقوی کی انگلینڈ اینڈ ویلز کرکٹ بورڈ (ای سی بی) کے چیئرمین رچرڈ تھامسن سے لندن میں ملاقات ہوئی، رچرڈ تھامسن نے چیمپئنز ٹرافی کے لیے نیک خواہشات کا اظہارکیا۔
ملاقات میں رچرڈ تھامسن کا کہنا تھاکہ انگلینڈ کا حالیہ دورہ پاکستان انتہائی شاندار رہا ہے۔
چیئر مین ای سی بی کا کہنا تھا کہ چیمپئنز ٹرافی ٹورنامنٹ کے لیے ہماری نیک تمنائیں پاکستان کے ساتھ ہیں۔
چیئرمین پی سی بی محسن نقوی نے کہاکہ پاکستان آئی سی سی چیمپئنز ٹرافی ٹورنامنٹ کے لیے تیار ہے۔ اسٹیڈیمز کو جدید انداز میں اپ گریڈ بھی کیا جا رہا ہے۔
چیئرمین پی سی بی کا کہنا تھا کہ چیمپئنز ٹرافی ٹورنامنٹ کے لیے ہر سطح پر فول پروف انتظامات کیے جا رہے ہیں اور مہمان ٹیموں کو اسٹیٹ گیسٹ کا پروٹوکول دیا جائےگا۔
رچرڈ تھامسن نے حالیہ دورے کے دوران شاندار مہمان نوازی پر چیئرمین پی سی بی محسن نقوی کا شکریہ ادا کیا۔
