18 نومبر ، 2024 
کھیل
عاقب جاوید کو چمپیئنز ٹرافی 2025 کے انعقاد تک عبوری مدت کیلئے وائٹ بال ہیڈ کوچ مقرر کرنے کا فیصلہ کیا گیا ہے/ فائل فوٹو
عاقب جاوید کو وائٹ بال ٹیم کا عبوری ہیڈ کوچ بنانے کا فیصلہ
18 نومبر ، 2024
لاہور: پاکستان کرکٹ بورڈ نے عاقب جاوید کو عبوری مدت کے لیے وائٹ بال کا ہیڈ کوچ مقرر کرنے کا فیصلہ کیا گیا ہے۔
پی سی بی کی جانب سے جاری اعلامیے کے مطابق بورڈ کی سلیکشن کمیٹی کے سینئر ممبر اور سابق فاسٹ بولر عاقب جاوید کو چمپیئنز ٹرافی 2025 کے انعقاد تک عبوری مدت کیلئے وائٹ بال ہیڈ کوچ مقرر کرنے کا فیصلہ کیا گیا ہے۔
پی سی بی کا کہنا ہےکہ اس دوران مستقل ہیڈ کوچ کی سلیکشن کا عمل بھی شروع کردیا جائے گا جو چیمپئنز ٹرافی کے اختتام تک مکمل ہو جائے گا۔
چیمپئنز ٹرافی کے بعد عاقب جاوید کو پاکستان کرکٹ بورڈ میں ممبر سلیکشن کمیٹی کے علاوہ اضافی ذمہ داری بھی تفویض کی جائے گی۔
یاد رہےکہ کرکٹ ٹیم کے وائٹ بال کوچ گیری کرسٹن نے پچھلے ماہ استعفیٰ دے دیا تھا۔
مزید خبریں :
رونالڈو نے ریٹائرمنٹ سے متعلق اپنے منصوبے کا اعلان کر دیا
18 نومبر ، 2024
کراچی پریمیئر لیگ ملیر ڈولفنز نے جیت لی
17 نومبر ، 2024
