19 نومبر ، 2024 
جرائم
مقتول کی شناخت 22 سال کے سفیان کے نام سے ہوئی، مقتول حال ہی میں پولیس میں بھرتی ہوا تھا/ فائل فوٹو
کراچی: معمولی تلخ کلامی پر دوست نے فائرنگ کرکے 22 سالہ دوست کو قتل کردیا
19 نومبر ، 2024
کراچی کے علاقے کورنگی میں دوست نے دوست کو فائرنگ کرکے قتل کردیا۔
پولیس کے مطابق مقتول کی شناخت 22 سال کے سفیان کے نام سے ہوئی، ملزم واقعہ کے بعد فرار ہوگیا جس کی تلاش کے لیے چھاپے مارے جارہے ہیں۔
مقتول کے پڑوسی شکیل نے جیو نیوز سے گفتگو کرتے ہوئے کہا کہ مقتول سفیان سمیت پانچ چھ دوست شاہزیب کے گھر میں بیٹھے ہوئے تھے کہ کسی بات پر شاہزیب نے فائرنگ کرکے سفیان کو قتل کردیا۔
ملزم شاہزیب حال ہی میں پولیس میں بھرتی ہوا تھا، مقتول کا ایک دوست سنی پولیس کی حراست میں ہے۔
مزید خبریں :
پولیس نے 20 لاکھ کی چوری کی رقم گوبر سے برآمد کرلی
18 نومبر ، 2024
