22 نومبر ، 2024 
پاکستان
آئیڈیاز 2024: کھلے سمندر میں انسداد دہشتگردی آپریشن "نشان پاکستان "کا انعقاد
22 نومبر ، 2024
دفاعی نمائش آئیڈیاز 2024 کے تحت مسلح افواج کی جانب سے کھلے سمندر میں انسداد دہشتگردی آپریشن "نشان پاکستان "کا شاندار مظاہرہ کیا گیا۔
سی ویو پر کراچی شو ’نشان پاکستان‘ میں ایس ایس جی کی کاؤنٹر ٹیرارزم ٹیم نے شرکت کی جبکہ پاکستان میرین کی جانب سے گن ڈرل اور پاک فضائیہ نے شاندار فلائی پاسٹ کا مظاہرہ کیا۔
تقریب میں خصوصی شرکت کے موقع پر وزیراعلیٰ سندھ مراد علی شاہ نے اپنے خطاب میں کہا کہ پاکستان خطے میں امن کے قیام کیلئے کوشاں ہے۔
انہوں نے کہا کہ سائبر سکیورٹی اور ماحولیاتی تبدیلی آج کے بڑے چیلنج ہیں۔
وزیر اعلیٰ سندھ کا کہنا تھا کہ استحکام، امن اور سفارت کاری کیلئے ہماری مشترکہ وابستگی پہلے سے کہیں زیادہ اہم ہے۔
