25 نومبر ، 2024 
زمبابوے کیخلاف دوسرے ون ڈے کیلئے پاکستان ٹیم کا اعلان، 2 کھلاڑی ڈیبیو کریں گے
25 نومبر ، 2024
پاکستان کرکٹ ٹیم کی منیجمنٹ نے زمبابوے کے خلاف دوسرے ون ڈے کیلئے پلیئنگ الیون کا اعلان کر دیا۔
پاکستان اور زمبابوے کے درمیان دوسرا ون ڈے انٹرنیشنل کل بلاوائیو میں کھیلا جائے گا جس کے لیے قومی ٹیم میں 2 تبدیلیاں کی گئی ہیں۔
حسیب اللہ کی جگہ طیب طاہر اور محمد حسنین کی جگہ ابرار احمد کو ٹیم میں شامل کیا گیا ہے۔
ابرار احمد اور طیب طاہر پہلی مرتبہ پاکستان کی جانب سے ون ڈے انٹرنیشنل کھیلیں گے۔
زمبابوے کے خلاف دوسرے ون ڈے کے لیے پاکستان ٹیم میں صائم ایوب، عبداللہ شفیق، کامران غلام ، محمد رضوان، سلمان آغا، طیب طاہر، عرفان نیازی ، عامر جمال ، حارث روف،فیصل اکرم اور ابرار احمد شامل ہیں۔
واضح رہے کہ بارش سے متاثرہ پہلےمیچ میں زمبابوے نے ڈک ورتھ لوئیس میتھڈ کے تحت 80 رنز سے کامیابی حاصل کرکےتین میچز کی سیریز میں ایک صفرکی برتری حاصل کی۔
مزید خبریں :
