27 نومبر ، 2024 
پاکستان اسٹاک ایکسچینج کی تاریخ میں نیا ریکارڈ، ایک روز میں 4900 سے زائد پوائنٹس کا اضافہ
27 نومبر ، 2024
گزشتہ روز 3000 سے زائد پوائنٹس کے خسارے پر بند ہونے والی پاکستان اسٹاک ایکسچینج میں آج زبردست تیزی رہی۔
گزشتہ روز پاکستان اسٹاک ایکسچینج کے 100 انڈیکس میں ایک موقع پر 1700 سے زائد پوائٹنس کا اضافہ دیکھنے میں آیا تاہم بعد ازاں انڈیکس 3500 سے زائد پوائنٹس کے خسارے سے 94 ہزار 574 پوائنٹس پر بند ہوا۔
آج کاروباری روز کے آغاز سے ہی پاکستان اسٹاک ایکسچینج میں مثبت آغاز دیکھنے میں آیا اور ایک موقع پر 100 انڈیکس 4947 پوائنٹس اضافے سے 99549 پر دیکھا گیا جبکہ کاروبار کا اختتام 4695 پوائنٹس اضافے سے 99269 پوائنٹس پر ہوا۔
آج کا اضافہ کسی ایک کاروباری دن میں انڈیکس کا سب سے بڑی بڑھوتری ہے۔
یاد رہےکہ اس سے قبل پاکستان اسٹاک ایکسچینج 100 انڈیکس میں کاروبار کے دوران سب سے زیادہ اضافہ 13 جون 2024 کو 3411 پوائنٹس کا ہوا تھا۔
اس حوالے سے معاشی تجزیہ کار محمد سہیل کا کہنا ہےکہ احتجاج کے خاتمےکے ساتھ 100 انڈیکس کی گراوٹ بھی ختم ہوگئی،گزشتہ رات اپوزیشن کا احتجاج ختم ہونے پر اسٹاک ایکسچینج نے بہترین ریکوری کی ہے۔
آج شیئرز بازار میں ایک ارب 5 کروڑ شیئرز کے سودے ہوئے جن کی مالیت 39 ارب سے زائد رہی۔
مارکیٹ کیپٹلائزیشن سوا 500 ارب روپے بڑھ کر 12 ہزار 577 ارب روپے ہے۔
مزید خبریں :
روپے کی قدر میں کمی، ڈالر مزید مہنگا ہوگیا
11 دسمبر ، 2024
ملک میں سونے کی قیمت میں بڑا اضافہ
11 دسمبر ، 2024
بجلی تقسیم کاجدید نظام: پاکستان کیلئے 20 کروڑ ڈالر قرض منظور
11 دسمبر ، 2024
کافی کے شوقین افراد کیلئے بُری خبر سامنے آگئی
10 دسمبر ، 2024
