30 نومبر ، 2024 
پاکستان
خیبر کے دور افتادہ علاقے آلاچہ میں بوسیدہ کمرے کی چھت گرگئی، فوٹو: جیو نیوز
خیبر میں کمرے کی چھت گرنے سے ایک ہی خاندان کے 5 افراد جاں بحق ہوگئے
30 نومبر ، 2024
ضلع خیبر میں بوسیدہ کمرے کی چھت گرگئی جس کے باعث ایک ہی خاندان کے 13 افراد ملبے تلے دب گئے۔
ریسکیو ذرائع کے مطابق ضلع خیبر کے دور افتادہ علاقے آلاچہ میں بوسیدہ کمرے کی چھت گرگئی جس میں ایک ہی خاندان کے 13 افراد ملبے تلے دب گئے۔
ریسکیو آپریشن کے دوران 5 افراد کو مردہ حالت میں جب کہ 8 افراد کو زخمی حالت میں نکال لیا گیا۔
زخمیوں کو طبی امداد کے لیے پشاور منتقل کردیا گیا ہے۔
