01 دسمبر ، 2024 
کین ولیمسن نے ٹیسٹ کرکٹ میں نیوزی لینڈ کیلئے اہم سنگ میل عبور کرلیا
01 دسمبر ، 2024
کیوی بیٹر کین ولیمسن نے ٹیسٹ کرکٹ میں نیوزی لینڈ کے لیے اہم سنگ میل عبور کرلیا۔
کین ولیمسن ٹیسٹ کرکٹ میں نیوزی لینڈ کی جانب سے 9 ہزار رنز مکمل کرنے والے پہلے بیٹر بن گئے ہیں۔
ولیمسن نے نیوزی لینڈ اور انگلینڈ کے درمیان کرائسٹ چرچ میں کھیلے جا رہے سیریز کے پہلے ٹیسٹ کے تیسرے دن یہ کارنامہ سر انجام دیا۔
کین ولیمسن نے 182 ٹیسٹ اننگز میں 9 ہزار 35 رنز بنائے ہیں جن میں 32 سنچریاں اور 37 ففٹیاں شامل ہیں۔
واضح رہے کہ ولیمسن ٹیسٹ کرکٹ میں 9 ہزار رنز کا سنگ میل عبور کرنے والے 19 ویں کھلاڑی ہیں۔
نیوزی لینڈ نے انگلینڈ کے خلاف پہلے ٹیسٹ میچ کی پہلی اننگز میں 348 رنز بنائے تھے جس کے جواب میں انگلش ٹیم نے 499 رنز اسکورکیے۔
ٹیسٹ کے تیسر دن کھیل کے اختتام پر نیوزی لینڈ نے دوسری اننگز میں 6 وکٹوں پر 155 رنز بنالیے ہیں اور مہمان ٹیم پر 4 رنز کی برتری حاصل ہے۔
مزید خبریں :
جونیئر ہاکی ایشیا کپ میں پاکستان کی مسلسل تیسری فتح
2 گھنٹے پہلے
