01 دسمبر ، 2024 
پاکستان
ضلع کرم کے تمام علاقوں میں قبائل کے درمیان فائر بندی، مورچوں پر پولیس اور فورسز کے دستے تعینات
01 دسمبر ، 2024
خیبرپختونخوا کے ضلع کرم کے تمام علاقوں میں متحارب قبائل کے درمیان فائر بندی ہوگئی۔
ڈپٹی کمشنر جاوید اللہ محسود کے مطابق فائر بندی کے بعد مورچوں سے مسلح قبائل کوہٹادیا گیا ہے اور پولیس اور فورسز کے دستے تعینات کیے گئے ہیں۔
ڈی سی نے بتایاکہ راستےکھولنے اورامن معاہدے کیلئے جرگہ ممبران کے ذریعے عمائدین سے بات کی جائے گی۔
ان کا کہنا تھاکہ کوہاٹ ڈویژن کے عمائدین و پارلیمنٹرین امن معاہدے کیلئے ضلع کرم آئیں گے۔
خیال رہے کہ ضلع کرم میں مسافر گاڑیوں پر حملے اور گزشتہ کئی روز سے جاری جھڑپوں میں 130 افراد جاں بحق اور 186زخمی ہوئے۔
