02 دسمبر ، 2024 
پاکستان میں مہنگائی کی شرح 78 ماہ کی کم ترین سطح پر آگئی
02 دسمبر ، 2024
پاکستان میں مہنگائی بڑھنے کی شرح 78 ماہ کی کم ترین شطح پر آگئی۔
ادارہ شماریات کی جانب سے جاری اعداد و شمار میں بتایا گیا ہے کہ نومبر 2024 میں مہنگائی کی شرح 4.9 فیصد کی سطح پر ریکارڈ کی گئی جبکہ اکتوبر 2024 میں مہنگائی 7.2 فیصد پر تھی۔
اعداد و شمار کے مطابق نومبر 2023 میں مہنگائی کی شرح 29.2 فیصد تھی جبکہ نومبر 2024 میں شہری علاقوں میں مہنگائی 5.2 فیصد اور دیہی علاقوں میں 4.3 فیصد ریکارڈ کی گئی۔
ادارہ شماریات کے مطابق گزشتہ ماہ کھانے پینے کی اشیا میں 0.5 فیصد کا معمولی اضافہ ریکارڈ کیا گیا، گزشتہ ماہ ٹماٹر، انڈے، دال مونگ، شہد اور آلو کے نرخ میں اضافہ ریکارڈ ہوا۔
اعداد و شمار کے مطابق گھی، مکھن، ڈرائی فروٹ، مچھلی اور کوکنگ آئل مہنگا ہوا، گندم، ریڈی میڈ فوڈ، مشروبات، گندم کا آٹا، جوتے اور الیکٹرانک کا سامان بھی مہنگا ہوا۔
رپورٹ میں بتایا گیا ہے کہ گزشتہ ماہ چکن، دال ماش، سبزیاں اور پھل سستے ہوئے، دال چنا، پیاز، مصالحہ جات، چینی، گُڑ، دال مسور اور چاول بھی سستے ہوئے۔
مزید خبریں :
ملک میں سونے کی قیمت میں بڑی کمی
2 گھنٹے پہلے
پیٹرول اور ڈیزل کی قیمت میں اضافہ کردیا گیا
30 نومبر ، 2024
ملک میں سونے کی قیمت میں کمی
30 نومبر ، 2024
ایل پی جی مزید مہنگی، نئی قیمت کیا ہوگئی؟
30 نومبر ، 2024
پاکستان ریلوے کی آمدن تاریخ کی بلند ترین سطح پر پہنچ گئی
29 نومبر ، 2024
روپے کے مقابلے ڈالر کی قدر میں معمولی اضافہ
29 نومبر ، 2024
