04 دسمبر ، 2024 
ویڈیو: شادی میں مہمان ہری مرچوں کا حلوہ دیکھ کر حیران
04 دسمبر ، 2024
شادی کا کھانا ایک ایسی چیز ہوتی ہے جو برسوں تک یاد رہ جاتی ہے اسی لیے کئی افراد اپنی جمع پونجی کھانے پر لگادیتے ہیں تاکہ مہمان خوش ہوکر جائیں۔
اسی سلسلے میں کچھ افراد کھانے کی انوکھی ڈشز بھی رکھتے ہیں لیکن اب حال ہی میں بھارت میں ایک ایسی ڈش رکھی گئی جس نے سب کے ہوش اڑا دیے۔
سوشل میڈیا پر ایک ویڈیو وائرل ہے جو ایک شادی کی تقریب کی ہے جس میں دیکھا جاسکتا ہے کہ خواتین کھانے کے پاس کھڑی ہیں اور حیران ہوتے ہوئے ایک ڈش سے متعلق پوچھ رہی ہیں۔
وہ ڈش ہری مرچوں کا حلوہ ہے جس حوالے سے خواتین استفسار کررہی ہیں کہ کیا یہ واقعی حلوہ ہے؟
ویڈیو بنانے والی خاتون کہہ رہی ہیں کہ ویسے تو یہاں میٹھے میں موجود ہر ڈش ہی دیکھی ہے لیکن ہری مرچوں کا حلوہ پہلی بار دیکھ رہے ہیں۔
کمنٹس سیکشن میں ایک صارف نے تبصرہ کیا کہ اگر ہری مرچیں کھانی ہی ہیں تو حلوے کے بجائے اس کے پکوڑے رکھے جاسکتے تھے جب کہ ایک اور صارف نے کہا کہ میں نے یہ حلوہ 2020 میں کھایا تھا اور یہ بے مثال تھا۔
مزید خبریں :
وہ بچہ جس نے ذہانت میں آئن اسٹائن کو بھی پیچھے چھوڑ دیا
11 گھنٹے پہلے
آخر مائیکرو ویو اوون کے دروازے پر یہ جال کیوں بنا ہوتا ہے؟
03 دسمبر ، 2024
کیا آپ کو چائے میں دودھ ڈالنے کی اصل وجہ معلوم ہے؟
02 دسمبر ، 2024
آکسفورڈ پریس نے برین روٹ کو 2024 کا لفظ قرار دیدیا
02 دسمبر ، 2024
سائنس دانوں کا بندر کو سؤر کا گردہ لگانے کا تجربہ
01 دسمبر ، 2024
