05 دسمبر ، 2024 
پاکستان
انسداد دہشتگردی عدالت کے جج منظر علی گل نے کوٹ لکھپت جیل میں جناح ہاؤس حملہ کیس کی سماعت کی/ فائل فوٹو
جناح ہاؤس حملہ کیس: عالیہ حمزہ سمیت 6 ملزمان کے ناقابل ضمانت وارنٹ جاری
05 دسمبر ، 2024
لاہور: انسداد دہشتگردی عدالت نے پی ٹی آئی رہنما عالیہ حمزہ سمیت 6 ملزمان کے ناقابل ضمانت وارنٹ گرفتاری جاری کردیے۔
انسداد دہشتگردی عدالت کے جج منظر علی گل نے کوٹ لکھپت جیل میں جناح ہاؤس حملہ کیس کی سماعت کی جس دورا ن عدالت نے تحریک انصاف کی رہنما عالیہ حمزہ سمیت 6 ملزمان کے وارنٹ گرفتاری جاری کردیے۔
عدالت نے جیل ٹرائل کیلئے پیش نہ ہونے پر ملزمان کے ناقابل ضمانت وارنٹ گرفتاری جاری کیے، ان میں عالیہ حمزہ، فرحان بخاری، عاطف منیر، صغیر کمال، عباس علی اور عمران شامل ہیں۔
مزید برآں عدالت نے ملزمان کو 19 دسمبر کو گرفتار کرکے پیش کرنے کا حکم بھی جاری کردیا۔
مزید خبریں :
سندھ حکومت نے 5 فروری کو عام تعطیل کا اعلان کردیا
2 گھنٹے پہلے
کراچی میں کل سے سردی کی شدت میں اضافے کا امکان
4 گھنٹے پہلے
