08 دسمبر ، 2024 
عوام کی منتخب کردہ کسی بھی قیادت سے تعاون کیلئے تیار ہیں: شامی وزیراعظم
08 دسمبر ، 2024
شام کے وزیراعظم محمد غازی الجلالی کا کہنا ہے کہ وہ عوام کی منتخب کردہ کسی بھی قیادت سے تعاون کیلئے تیار ہیں۔
غیر ملکی خبر ایجنسیوں کے مطابق شام کے بڑے شہروں حمص، دارہ، حماہ اور حلب کے بعد شامی باغی دارالحکومت دمشق میں داخل ہو گئے ہیں۔
عرب میڈیا رپورٹس کے مطابق شامی باغیوں کی جانب سے وزارت داخلہ، دمشق ائیر پورٹ اور سرکاری ٹی وی کی عمارت پر قبضے کا دعویٰ کیا جا رہا ہے۔
امریکی میڈیا کے مطابق شامی فورسز دارالحکومت دمشق سے پسپا ہو کر پیچھے ہٹ گئی ہیں جبکہ اگلے ایک ہفتے میں شام کا اقتدار باغیوں کے ہاتھوں میں آنے کا امکان ہے۔
دوسری جانب شام کے آرمی چیف جنرل عبدالکریم محمد ابراہیم نے کا کہنا تھا شامی عوام باغیوں کی من گھڑت افواہوں پر کان نہ دھرے، شامی فوج بغاوت پر قابو پانے کے لیےکوششیں جاری رکھے ہوئے ہے۔
ان کا کہنا تھا فوج نے باغیوں پر شدید حملے کرکے بڑی تعداد میں دہشت گردوں کا صفایا کیا، عوام کے تعاون سے جلد بغاوت پر قابو پا لیا جائے گا۔
اب شام کے وزیراعظم محمد غازی الجلالی کا بیان بھی سامنے آیا ہے، غیر ملکی خبر ایجنسی کے مطابق وزیراعظم محمد غازی الجلالی کا کہنا ہے کہ وہ اپنےگھر میں ہیں۔
خبر ایجنسی کے مطابق شام کے وزیراعظم محمد غازی الجلالی کا کہنا ہے کہ وہ عوام کی منتخب کردہ کسی بھی قیادت سے تعاون کے لیے تیار ہیں۔
مزید خبریں :
سعودی شہزادی وطفا بنت محمد انتقال کرگئیں
11 گھنٹے پہلے
سوئیڈن: قرآن پاک کی بےحرمتی کرنے والا عراقی شخص فائرنگ سے ہلاک
30 جنوری ، 2025
