12 دسمبر ، 2024 
شاہ رخ اپنی رہائشگاہ ’ منت‘ کو مزید بُلندکرنے کے خواہشمند، کتنا خرچہ آئے گا؟
12 دسمبر ، 2024
بالی وڈ کنگ شاہ رخ خان ممبئی میں اپنی رہائشگاہ ’ منت ‘ میں مزید دو منزلہ اضافے کا منصوبہ بنارہے ہیں۔
بھارتی میڈیا کے مطابق شاہ رخ کی عالیشان جائیدادوں میں ان کا عالیشان گھر ’منت‘ سرفہرست ہے جو سمندر کنارے موجود ہے، ’منت ‘ اس وقت 2 بیسمنٹ، ایک گراؤنڈ فلور سمیت 6 منزلوں پر مشتمل عالیشان عمارت ہے۔
ہندوستان ٹائمز کی رپورٹ میں بتایا گیا ہے کہ شاہ رخ کی اہلیہ گوری نے مہاراشٹرا کوسٹل زون مینجمنٹ اتھارٹی کو لکھی گئی درخواست میں منت میں مزید 616.02 مربع میٹر کا رقبہ ( دو اضافی منزلیں ) شامل کرنے کیلئے اجازت طلب کی ہے، اس منصوبے میں 25 کروڑ روپے کی لاگت آئے گی۔
واضح رہے کہ شاہ رخ نے 2001 میں رہائشگاہ ’ منت ‘ خریدی تھی لیکن اس جگہ کے گریڈ تھری ورثے کی حیثیت کے باعث شاہ رخ کو اس میں بہت زیادہ ایڈجسٹمنٹ کی اجازت نہیں دی گئی لہٰذا اداکار نے 6 منزلہ ڈھانچہ ہی تعمیر کیا جسے اب ’ منت انیکسی‘ کہا جاتا ہے۔
بھارتی میڈیاکا دعویٰ ہے کہ شاہ رخ خان کے اس گھر کی قیمت اس وقت 200 کروڑ بھارتی روپے ہے جب کہ ایک انٹرویو کے دوران بھی شاہ خان اس بات کا اعتراف کرچکے ہیں کہ ان کی سب سے مہنگی چیز انکا گھر ہے۔
مزید خبریں :
جویریہ سعودکا مفت میں انٹرویوز دینے سے انکار، وجہ بھی بتادی
11 دسمبر ، 2024
شاہ رخ خان کی ایک شادی میں شرکت، اداکار نے کتنا معاوضہ وصول کیا؟
10 دسمبر ، 2024
شادی کے 17 سال بعد دوسرے بچے کے سوال پر ابھیشیک نے کیا کہا؟
10 دسمبر ، 2024
ماہرہ خان کا سینئر اداکار فردوس جمال کے بیانات پر دلچسپ ردعمل
10 دسمبر ، 2024
انور مقصود نے اپنے اغوا کی خبروں کی تردید کردی
10 دسمبر ، 2024
