19 دسمبر ، 2024 
اداکار ارباز خان سابقہ اہلیہ ملائیکہ کے ریسٹورینٹ پہنچ گئے، ویڈیو وائرل
19 دسمبر ، 2024
بالی وڈ اداکارہ و ماڈل ملائیکہ اروڑا کے نئے ریسٹورینٹ میں سابق شوہر ارباز خان خاندان کے ہمراہ لنچ کیلئے پہنچ گئے۔
بھارتی میڈیاکے مطابق ملائیکہ اروڑا نے حال ہی میں باندرہ شہر میں ایک نیا ریسٹورینٹ کھولا ہے جس کانام Scarlett House رکھا گیا ہے۔
گزشتہ روز ارباز خان کو ملائیکہ اروڑا کے نئے ریسٹورینٹ میں لنچ کیلئے خاندان کے ہمراہ دیکھا گیا جس کی ویڈیوزوائرل ہوگئیں۔
سوشل میڈیا پر سامنے آنے والی ویڈیو میں ارباز خان کو والد سلیم خان، سلمیٰ خان اور ہیلین سمیت ریسٹورینٹ میں جاتا دیکھا جاسکتا ہے۔
دوسری جانب بھارتی میڈیا پر ملائیکہ کی اس لنچ ڈیٹ میں ارباز کی شوریٰ خان کے بغیر شرکت موضوع بحث ہے۔
ویڈیوز وائرل ہونے کے بعد مداح ارباز خان سے شوریٰ کی غیر موجودگی پر سوالات کررہے ہیں۔
