19 دسمبر ، 2024 
ایشین انڈر 14 ٹینس: پاکستان کے حسن عثمانی سنگلز اور ڈبلز ایونٹ کے فائنل میں پہنچ گئے
19 دسمبر ، 2024
ایشین انڈر 14 ٹینس ایونٹ میں پاکستان کے حسن عثمانی کی شاندار کارکردگی کا سلسلہ جاری ہے اوہ وہ سنگلز اور ڈبلز ایونٹ کے فائنل میں پہنچ گئے۔
جدہ میں جاری سنگلز ایونٹ کے سیمی فائنل میں حسن عثمانی نے فلپائنز کے مارکوس لورینزو کو 0-6 اور 1-6 سے شکست دی۔
فائنل میں حسن عثمانی کا مقابلہ ٹاپ سیڈ ترکمانستان کے سلیمان ہودیباردیو سے ہوگا۔ سنگلز فائنل کے حریف سلیمان ہودیباردیو ، ڈبلز میں حسن عثمانی کے پارٹنر ہیں۔
ڈبلز میں پاکستان کے حسن عثمانی اور ترکمانستان کے سلیمان کی جوڑی نے ایونٹ کے فائنل میں جگہ بنائی۔
سیمی فائنل میں حسن اور سلیمان نے فہد سیف اور مارکوس لورینزو کی جوڑی کو 5-7 اور 2-6 سے ہرایا۔
ڈبلز میں پاک، ترکمانستان جوڑی کا مقابلہ سعودی پیئر انس الزہرانی اور سہیل التاجی الفاروقی سے ہوگا۔
