20 دسمبر ، 2024 
کراچی: 24 گھنٹوں میں ٹرک اور ڈمپر کی زد میں آکر بچے سمیت 7 افراد ہلاک
20 دسمبر ، 2024
کراچی میں 24 گھنٹوں کے دوران ٹرک اور ڈمپر کی ٹکرز سے 7 شہری جان سے چلے گئے۔
جیو نیوز کے مطابق کراچی کے علاقے کورنگی جام صادق پل پرموٹر سائیکل کھڑے ٹریلر سے ٹکرا گئی جس کے نتیجے میں موٹرسائیکل سوار باپ بیٹا جاں بحق ہوگئے۔
پولیس نے بتایا کہ موٹر سائیکل پر میاں بیوی اور ان کا 3سالہ بچہ کورنگی اللہ والا ٹاؤن سے آرہے تھے جہاں جام صادق پل پر کھڑے ہوئے ٹرالر سے ٹکرا گئے،حادثے میں باپ اور 3سالہ بچہ زخمی ہوگئے جو اسپتال میں دوران علاج دم توڑ گئے جب کہ خاتون محفوظ رہیں۔
پولیس کا کہنا ہے کہ ٹرالر خراب ہوگیا تھا تو اس کا ڈرائیور ٹرالر پل پر ہی بند کرکے چلاگیا تھا، اندھیرا ہونے کی وجہ سے ٹرالر متوفی رضوان کو موٹر سائیکل چلاتے ہوئے نظر نہیں آیا اور وہ اس سے ٹکرا گیا۔
ریسکیو حکام کے مطابق شہر میں 24 گھنٹوں کےدوران ٹریفک حادثات میں بچے سمیت 7افراد جان سے چلے گئے، تمام اموات ٹرک اور ڈمپر کی ٹکر سے ہوئیں۔
مزید خبریں :
ملک میں گیس کی دستیابی میں بڑی کمی ریکارڈ
22 منٹ پہلے
سندھ میں مرحوم ملازمین کی اولاد کیلئے کوٹہ ختم
2 گھنٹے پہلے
