26 دسمبر ، 2024 
ٹیکس نہ دینے والوں کیخلاف کارروائی ہوگی، چیئرمین ایف بی آر کا دو ٹوک اعلان
26 دسمبر ، 2024
اسلام آباد: چیئرمین ایف بی آر راشد محمود لنگڑیال نے دو ٹوک اعلان کیا ہے کہ ٹیکس ریٹرن جمع نہ کرانے والوں کے خلاف کارروائی ہو گی۔
وزیر خزانہ محمد اورنگزیب، وزیر مملکت علی پرویز ملک اور چیئرمین ایف بی آر راشد محمود لنگڑیال نے اسلام آباد میں پریس کانفرنس کی۔
اسلام آباد میں پریس کانفرنس کرتے ہوئے چیئرمین ایف بی آر راشد محمود لنگڑیال نے کہا کہ ہم نے ایک لاکھ 90 ہزار افراد کو نوٹس دیے، 38 ہزارافراد نے 37کروڑ 70 لاکھ ٹیکس ریٹرن جمع کرایا، جنہوں نے ریٹرن جمع نہیں کرایا ٹیکس نہیں دیا ان کے خلاف کارروائی ہوگی۔
چئیرمین ایف بی آر نے کہا کہ پاکستان کا ٹیکس گیپ 7100 ارب روپے اور انکم ٹیکس گیپ 2400 ارب روپے ہے، انواسئنگ کا عمل ڈیجیٹائز کر رہے ہیں، فوکس ٹاپ 5 فیصد لوگ ہیں، براہ راست شوگر ملوں کو دیکھ رہے ہیں، پنجاب میں فیک یا فلائنگ انوائس پر کئی ملیں پکڑی گئیں۔
پریس کانفرنس میں بات کرتے ہوئے وزیرخزانہ محمد اورنگزیب نے کہا کہ ہم نے ٹیکس سسٹم کو مستقل بنیادوں پر ٹھیک کرنا ہے ، مجموعی طور پر 71 ارب روپے کا مزید ٹیکس کا پوٹینشل ہے۔
ان کا کہنا تھا کہ ٹیکس وصولی میں ٹیکنالوجی بہت اہم ہے، ٹیکس چوری روکنے کے لیے نظام میں شفافیت لانا ہوگی، ایف بی آر کی ٹیکس وصولی میں انسانی مداخلت کم کی جا رہی ہے۔
وزیر مملکت برائے خزانہ علی پرویز ملک نے پریس کانفرنس میں کہا کہ ہمیں آئی ایم ایف کے ساتھ شراکت داری بھی رکھنی ہے، بانی پی ٹی آئی والی نہیں معیاری معاشی گروتھ چاہیے۔
مزید خبریں :
روپے کے مقابلے ڈالر کی قدر میں کمی
9 گھنٹے پہلے
پاکستان اسٹاک ایکسچینج کے 100 انڈیکس میں مزید کمی
9 گھنٹے پہلے
ملک میں سونےکی قیمت میں اضافہ ہوگیا
10 گھنٹے پہلے
11 مہینوں میں بیرونی سرمایہ کاری کتنی بڑھی؟ اعداد و شمار جاری
26 دسمبر ، 2024
پاکستان میں مقامی سطح پر موبائل مینوفیکچرنگ میں کمی
25 دسمبر ، 2024
گیس کی پیداوار میں کمی، 4 ماہ میں 53 ارب روپے کا نقصان
25 دسمبر ، 2024
انٹربینک میں ڈالر سستا ہوگیا
24 دسمبر ، 2024
ملک میں سونا سینکڑوں روپے سستا ہوگیا
24 دسمبر ، 2024
