26 دسمبر ، 2024 
کوہلی کو آسٹریلوی بیٹر کو کندھا مارنا بھاری پڑگیا، جرمانہ عائد
26 دسمبر ، 2024
بھارتی ٹیم کے سابق کپتان ویرات کوہلی کو آسٹریلوی اوپنر سیم کونسٹاس کے ساتھ الجھنا مہنگا پڑ گیا۔
آسٹریلیا اور بھارت کے درمیان بارڈر گواسکر ٹرافی کے باکسنگ ڈے ٹیسٹ کے پہلے روز ویرات کوہلی نے آسٹریلوی اوپنر سیم کونسٹاس کو جان بوجھ کر کندھا مارا تھا۔
تجربہ کار اور سینئر بیٹر ویرات کوہلی کے اس رویے کو ہر حلقے نے ناپسندیدگی سے دیکھتے ہوئے تنقیدکی تھی تاہم اب بتایا جا رہا ہے کہ آئی سی سی نے ویرات کوہلی کو میچ فیس کا 20 فیصد جرمانہ کرتے ہوئے ایک ڈی میرٹ پوائنٹ بھی دے دیا ہے۔
معاملہ کیا ہے؟
ٹیسٹ کے پہلے روز سیم کونسٹاس نے بھارتی بولر جسپریت بمراہ کے خلاف غیر معمولی شاٹس کھیلے جس پر سیم کونسٹاس کے اعتماد اور توجہ کو ہٹانے کے لیے ویرات کوہلی نے جملے کسنے شروع کر دیے تھے اور پچ پر نوجوان بیٹر سے ٹکراتے ہوئے انھیں کندھا بھی مارا تھا۔
کوہلی کے رویے پر عثمان خواجہ نے اپنی مسکراہٹ اور پھر کوہلی کے کندھے پر ہاتھ رکھ کر معاملہ کو ختم کرنے کی کوشش کی تھی جس پر میچ آفیشلز نے بھی مداخلت کر کے معاملے کو ٹھنڈا کیاتھا۔
دوسری جانب کوہلی کے الجھنے باوجود سیم کونسٹاس اعتماد کے ساتھ کھیلے اور 52 گیندوں پر نصف سنچری اسکور کی تھی، سیم کونسٹاس 65 گیندوں پر 60 رنز بنا کر رویندرا جڈیجا کی گیند پر ایل بی ڈبلیو آؤٹ ہوئے۔
مزید خبریں :
بابر اعظم نے ٹیسٹ کرکٹ میں اہم سنگ میل عبور کر لیا
2 گھنٹے پہلے
کراچی میراتھون 2025 کیلئے رنرز کی تیاری زور شور سے جاری
26 دسمبر ، 2024
چیمپئنز ٹی ٹوئنٹی کپ کا ٹائٹل اسٹالینز نے جیت لیا
26 دسمبر ، 2024
سابق بھارتی کرکٹر کے والد کو غبن کے جرم میں 7 سال قید کی سزا
26 دسمبر ، 2024
بابر اعظم نے ایک اور اعزاز اپنے نام کرلیا
25 دسمبر ، 2024
