28 دسمبر ، 2024 
کسی مسلم کی جائیداد سے غیرمسلم کو حصہ نہیں دیا جاسکتا،عدالت نے قانونی نکتے پرفیصلہ سنادیا
28 دسمبر ، 2024
لاہور ہائی کورٹ نے مسلمان کی جائیداد میں سے غیر مسلم کو حصہ دینے کے قانونی نکتے پر فیصلہ سنا دیا۔
جسٹس اقبال چوہدری نے ماتحت عدالت کے فیصلےکے خلاف اپیل پر فیصلہ دیا۔
ماتحت عدالت نے مسلمان کی جائیداد میں سے غیرمسلم کو حصہ نہ دینےکا حکم جاری کیا تھا۔
لاہور ہائی کورٹ نے ماتحت عدالت کے فیصلےکو برقرار رکھا ہے اور اس کے خلاف اپیل مسترد کردی۔
عدالت نے واضح کیا کہ اسلامی تعلیمات کے مطابق کوئی غیر مسلم کسی مسلم کی جائیداد میں حصےکا حق دار نہیں چاہے وہ پیش رو ہو یا جانشین۔
خیال رہےکہ گوجرہ کے وفات پانے شخص کی 83 کنال اراضی اس کے بچوں میں تقسیم کی گئی تھی تاہم پوتے نے اراضی کے انتقال اور اس میں غیر مسلم چچا کو حصہ دینےکا اقدام چیلنج کیا تھا۔
ماتحت عدالت نے چچا کے غیرمسلم ہونے کی وجہ سے پوتےکے حق میں فیصلہ دیا۔ اس فیصلے کو چچا نےلاہور ہائی کورٹ میں چیلنج کیا اور اپیل دائر کی تاہم ہائی کورٹ نے اپیل مسترد کر دی۔
مزید خبریں :
دھند کے باعث اسلام آباد سے لاہور تک موٹروے بند
5 گھنٹے پہلے
جسٹس ریٹائرڈ اعجاز الحسن انتقال کرگئے
10 گھنٹے پہلے
